Sot zhvilluam një takim informues me Dr. Elda Nallbani, Solution Architect në kompaninë Paylink, e cila ndau me studentët rrugëtimin e saj profesional dhe eksperiencën e përditshme në fushën e teknologjisë.

Gjatë diskutimit u theksua në mënyrë të veçantë lidhja e fuqishme mes Inxhinierisë së Matematikës e Data Science dhe punës së specializuar në data warehouse. Ajo shpjegoi se si konceptet matematikore – si modelimi, analiza e të dhënave, logjika matematike dhe strukturat komplekse – shndërrohen në aftësi praktike që përdoren për të projektuar arkitektura të sigurta dhe efikase të të dhënave, për të optimizuar procese të brendshme dhe për të ndërtuar zgjidhje inteligjente që mbështesin vendimmarrjen strategjike në kompani.