Menu
Është diplomuar në Matematikë të Aplikuar (cikël i integruar 5-vjeçar, 1999–2004) në Fakultetin e Shkencave të Natyrës, Universiteti i Tiranës (UT).
Në vitet 2005–2008 ka ndjekur studimet pasuniversitare në të njëjtin fakultet, ku ka fituar titullin “Mastër” në Modele Dinamike Ekonometrike.
Në vitin 2016 ka përfunduar studimet e doktoraturës pranë Universitetit Politeknik të Tiranës (UPT), duke mbrojtur disertacionin me temë “Modelimi i Aksidenteve Rrugore me Metoda Statistikore dhe GIS” dhe duke marrë gradën “Doktor i Shkencave”.
Në vitin 2025 i është akorduar titulli akademik “Profesor i Asociuar”.
Karrierën akademike e ka nisur në vitin 2004, si asistent pedagoge në Departamentin e Matematikës dhe Informatikës në Universitetin Politeknik të Tiranës. Më pas është emëruar lektore në Departamentin e Inxhinierisë Matematike (DIM), Fakulteti i Inxhinierisë Matematike dhe Inxhinierisë Fizike në UPT, ku vijon të ushtrojë veprimtarinë e saj akademike.
Ka një përvojë shumëvjeçare si pedagoge e matematikës në fakultete të ndryshme të UPT-së, ku ka kontribuar në mësimdhënien e lëndëve Analizë Matematike 1 dhe 2, Matematikë 1 dhe 2, si edhe Probabilitet–Statistikë, Procese Stokastike. Paralelisht, ka qenë e angazhuar si lektore e Probabilitetit në Universitetin Metropolitan të Tiranës (Fakulteti i Inxhinierisë), si dhe lektore e Matematikës së Aplikuar në Universitetin Europian të Tiranës (Fakulteti i Ekonomisë).
Është autore e parë dhe bashkëautore e mbi 30 artikujve shkencorë në fushën e matematikës së zbatuar, të botuar në periodikë shkencorë kombëtarë dhe ndërkombëtarë, një pjesë e mirë e të cilëve të indeksuar në Web of Science dhe/ose Scopus. Ka marrë pjesë si referuese në mbi 30 konferenca shkencore kombëtare dhe ndërkombëtare, si autore e parë dhe bashkëautore.
Është bashkëautore e disa teksteve shkollorë dhe universitarë në fushën e matematikës. Vepron si recensuese dhe anëtare e bordeve editoriale të disa revistave ndërkombëtare të indeksuara në Web of Science dhe/ose Scopus. Ka kontribuar gjithashtu në hartimin dhe rishikimin e programeve mësimore në fushën e matematikës dhe statistikës së aplikuar.
Analiza e të dhënave, modelime matematikore dhe analiza statistikore, me fokus të veçantë në aplikimet në sigurinë rrugore, epidemiologji të dëmtimeve dhe sisteme inxhinierike.
Choose our university for high-quality education, practical opportunities, and comprehensive support in your academic and professional development.
© 2025 All Rights Reserved – Designed and Developed by INSTANT.AL
