Ejona Zeneli ka ndjekur studimet në “BACHELOR” në Inxhinieri Fizike (2011-2014) dhe më pas në “MASTER SHKENCOR” në të njëjtën fushë (2014-2016) pranë Fakultetit të Inxhinierisë Matematike dhe Fizike, UPT.
Gjatë studimeve të saj, Ejona kishte një pasion të veçantë për Fizikën Kompjuterike. Ajo u përfshi në një program Internship pranë AlbTelecom, kompanisë më të madhe të internetit në Shqipëri, ku kaloi një proces të konkurrencës duke arritur të fitonte vendin e parë për shkak të mesatares së lartë dhe rekomandimeve nga pedagogët.
Gjatë disa muajve të praktikës, Ejona punoi në departamentet teknike si HelpDesk, Database/Access, dhe Network, ku zhvilloi aftësi të rëndësishme në fushën e teknologjisë së informacionit.
Pas përfundimit të praktikës, ajo aplikoi dhe u punësua në Digicom, kompaninë e parë në Shqipëri që ofronte rrjet 100% me Fibër Optike. Falë përgatitjes së saj në Inxhinierinë Fizike, Ejona arriti të angazhohej si inxhiniere e rrjetit pa përfunduar ende studimet.
Vjeshtën e vitit 2017, ajo u pranuar si pedagoge e jashtme në UPT, një përvojë që i dha mundësinë të punonte me stafin akademik dhe të ndante dijet e saj me studentët e rinj.
Në shkurt të vitit 2018, Ejona kaloi nga pozita e HelpDesk në atë të Menaxheres së Departamentit, dhe pas më shumë se një viti, u avancua në Inxhiniere e Rrjetit.
“Studimet e mia në FIMIF më dhanë mundësinë për të arritur këtu ku jam sot,” thotë Ejona.
Mesazhi i saj për të rinjtë: “Vlerësoni arsimimin dhe ndjekni pasionet tuaja! E ardhmja është e juaja për ta ndërtuar!”
