Më datat 30-31 maj 2024, në ambientet e Universitetit Politeknik të Tiranës, salla “Aula Magna”, u zhvillua me sukses Konferenca Ndërkombëtare e organizuar nga ELTA Albania me temë: “Moving Forward: A New Education Landscape”.

Ky aktivitet i rëndësishëm akademik mblodhi së bashku ekspertë dhe trajnerë të gjuhës angleze nga vende të ndryshme si Mbretëria e Bashkuar, Shtetet e Bashkuara të Amerikës, Austria, Greqia, Izraeli, Mali i Zi, Polonia, Maqedonia e Veriut, Kosova dhe Shqipëria, si dhe përfaqësues nga British Council. Konferenca u organizua në bashkëpunim me Qendrën e Gjuhëve të Huaja (QGJH) në Fakultetin e Inxhinierisë Matematike dhe Inxhinierisë së Fizikës (FIMIF), dhe u zhvillua nën kujdesin e veçantë të Zv. Dekanes së FIMIF, Prof. Teuta Myftiu, dhe Prof. Asoc. Anjeza Brahja, pedagoge e gjuhës angleze. Në fjalën përshëndetëse, Dekania e FIMIF, Prof. Dhurata Kuqi, theksoi rëndësinë e këtij eventi për zhvillimin profesional të mësuesve dhe pedagogëve të gjuhës angleze, si dhe për nxitjen e bashkëpunimeve të reja në fushën akademike dhe kërkimore.