Fakulteti i Inxhinierisë Matemarike dhe Inxhinierisë Fizike pati kënaqësinë të mirëpriste sot 25/02/2026 në mjediset e tij Dr. Sandra Koch, Koordinatore e programit të Inxhinierisë Fizike në Universitetin e Shkencave të Aplikuara “Hochschule Emden·Leer” në Gjermani. Dr. Koch prezantoi me hollësi programin e studimit të Inxhinierisë Fizike, me fokus të veçantë në punën kërkimore që realizohet pranë Institutit për Lazera dhe Optikë (ILO) dhe Fakultetit të Teknologjisë. Prezantimi i saj u përqendrua në rëndësinë e bashkëpunimit ndërkombëtar dhe në avantazhet që studentët tanë mund të përfitojnë përmes shkëmbimeve akademike dhe kërkimore në Gjermani.​Ky takim informues ishte një mundësi për të diskutuar mbi praktikat më të mira të inxhinierisë moderne dhe për të hapur rrugë të reja bashkëpunimi që synojnë rritjen profesionale të studentëve tanë.