Fakulteti i Inxhinierisë Matematike dhe Inxhinierisë Fizike (FIMIF) pati kënaqësinë të mirëpresë nxënësit e klasave të 10-ta të shkollës “Viktor Hygo”, në kuadër të aktiviteteve orientuese dhe informuese për arsimin e lartë.

Gjatë kësaj vizite, nxënësit u njohën nga afër me ambientet akademike, laboratorët dhe programet e studimit që ofron FIMIF, si dhe me mundësitë që fushat e inxhinierisë matematike dhe fizike ofrojnë për zhvillimin akademik dhe profesional. Vizita shërbeu si një mundësi për të krijuar një kontakt të drejtpërdrejtë me mjedisin universitar dhe për të nxitur interesin e të rinjve drejt shkencës dhe teknologjisë.