E diplomuar në Inxhinieri Matematike pranë Fakultetit të Inxhinierisë Matematike dhe Fizike, UPT, Drina Nikolli është një shembull frymëzues për të gjithë ne!
Ajo përfundoi Bachelorin (2014-2017) dhe vazhdoi me Masterin Profesional në Aktuaristikë (2017-2019), duke përvetësuar njohuri të thella dhe praktike në fushën e sigurimeve.
Gjatë studimeve, Drina i hodhi themelet e njohurive të saj, të cilat i kanë dhënë mundësinë të zhvillohet si Specialiste Statistike pranë SIGAL UNIQA Group Austria, një nga kompanitë më të njohura në tregun e sigurimeve. Ajo është pjesë e ekipit që punon për të grumbulluar dhe përpunuar të dhëna statistikore për Departamentin e Shëndetit, duke luajtur një rol kyç në analizën dhe menaxhimin e të dhënave.
Drina shprehet: “Studimi në FIMIF më ka ofruar njohuri të paçmuara dhe aftësi të domosdoshme për të përballuar sfidat e përditshme në punë.”
Le të festojmë arritjet e Drina Nikolli-t! Puna dhe përkushtimi i saj janë një dëshmi se me pasion dhe përkushtim, gjithçka është e mundur!
