“Sot, kur kthej kokën pas, kujtoj fillimet e universitetit. Më duket si një kohë relativisht e gjatë, e mbushur me sfida, adrenalinë dhe shumë emocione. Jam e bindur që ky rrugëtim do të hapë fronte dhe mundësi të reja.”
E diplomuar në Inxhinieri Matematike pranë Fakultetit të Inxhinierisë Matematike dhe Fizike, UPT, Era përfundoi Bachelorin (2016-2019) dhe më pas vazhdoi me Master Profesional në Aktuaristikë (2020-2021). Ajo shprehet me mirënjohje: “Faleminderit çdo njeriu që ka kontribuar në formimin tim profesional dhe personal, veçanërisht profesorëve për mbështetje, bashkëpunim dhe inkurajim. Ju dini më së miri të përcillni vlera dhe ideale.”
Era është shumë e lumtur që çdo sekondë e harxhuar mbi libra sot i shpërblehet. Ajo ka fatin të punojë me një ekip profesionistësh me përvojë në fusha të ndryshme si statistika, financiera, biokimia dhe mjekësia. Kultura e punës dhe modeli i arritjeve të kolegëve të saj kanë hedhur bazat e karrierës së saj.
Motoja ime gjithmonë: “Lëri ëndrrat dhe fokusohu tek puna e palodhur. Ëndrrat nuk bëhen realitet, vetëm sepse ti ëndërron për to.”
Le të festojmë arritjet dhe angazhimin e Era Karoqe-t në fushën e Aktuaristikës! Ajo tregon se me përkushtim dhe angazhim, gjithçka është e arritshme!
