Fakulteti i Inxhinierisë Matematike dhe Inxhinierisë Fizike (FIMIF) njofton se më datën 5 Shkurt 2025, në ambientet e Bibliotekes se FIMIF, u zhvillua me sukses referimi akademik në kuadër të promovimit të titullit akademik Profesor i Asociuar të Dr. Raimonda Dervishi, personel akademik në Departamentin e Inxhinierisë Matematike.
Gjatë këtij referimi, Dr. Raimonda Dervishi paraqiti kontributin e saj akademik dhe shkencor në fushën përkatëse. Aktiviteti u ndoq nga Juria e Vlerësimit, anëtarë të personelit akademik akademik, të cilët patën mundësinë të angazhohen në një diskutim të frytshëm mbi prezantimin.
Fakulteti i Inxhinierisë Matematike dhe Inxhinierisë Fizike përgëzon Dr. Raimonda Dervishi për këtë arritje dhe i uron suksese të mëtejshme në karrierën akademike, që njëkohësisht përbën dhe vlerë për FIMIF.
