Më 29 Tetor 2024, në Laboratorin e Gjuhës Japoneze në Universitetin Politeknik të Tiranës (UPT), u zhvillua një takim i rëndësishëm mes një grupi pedagogësh dhe studentësh nga Japonia, të specializuar në fushën e elektrokimisë, dhe kolegëve tanë nga Departamenti i Inxhinierisë Kimike.
Ky aktivitet ishte pjesë e vazhdimësisë së lidhjeve dhe shkëmbimeve që UPT po zhvillon me universitete të ndryshme japoneze. Grupi nga Japonia përfshinte emra të njohur si:
- Prof. Yasuaki Einaga – Universiteti i Keio
- Prof. Gjergj Dodbiba – Universiteti i Tokios
- Prof. Takashi Uemura – Universiteti i Tokios
- Prof. Takeshi Kondo – Universiteti i Shkencave Tokio
- Prof. Asist. Mai Tomisaki – Instituti Ndërkombëtar i Kërkimeve të Energjinë së Përfituar nga Emetimet e Karbonit
Gjatë takimit, tre studentë që kryejnë studimet e masterit dhe doktoratës pranë Universitetit të Keio prezantuan punën e tyre kërkimore. Prezantimet u zhvilluan në gjuhën angleze, duke inkurajuar një diskutim aktiv dhe ndarjen e ideve mes studentëve nga të dy vendet.
Pas përfundimit të prezantimeve dhe sesionit të pyetje-përgjigjeve, studentët patën mundësinë të diskutojnë rreth fushave të studimeve dhe mundësive për bashkëpunim në kërkimin shkencor.
Rektori i UPT, Prof. Akli Fundo, përshëndeti këtë iniciativë dhe theksoi rëndësinë e shkëmbimeve dhe aktiviteteve të ngjashme për zhvillimin e marrëdhënieve akademike ndërkombëtare.
Ky takim shënon një hap të rëndësishëm drejt forcimit të bashkëpunimit mes universiteteve dhe promovimin e shkencës dhe inxhinierisë në nivel global.