Në kuadër të aktiviteteve të “Ditëve të Informimit të Maturantëve” Universiteti Politeknik i Tiranës mori pjesë në Panairin “Work& Study 2023” që u zhvillua në të gjitha qytetet e Shqipërisë, nga jugu në veri prej datës 1 mars – 28 mars 2023.
Qëllimi i këtij aktiviteti është: Njohja, informimi, orientimi dhe këshillimi i nxënësve maturantë me ofertën akademike të Universitetit Politeknik të Tiranës dhe kriteret e pranimit.
Stafi pjesëmarrës në këtë aktivitet ishin specialistet e këshillimit të karrierës në rektorat dhe në fakultete. Panairi u vizitua nga rreth 15.000 maturantë nga e gjithë Shqipëria dhe pati një interes të madh për ofertën akademike të Universitetit Politeknik të Tiranës. Duke vizituar stendën e UPT-së, shumë maturantë morën informacion të plotë rreth:
· Programeve të studimit në UPT;
· Kritereve te pranimit;
· Mundësive te shumta që u ofrohen studentëve (bursa, mobilitetet në kuadër të Erasmus+, etj);
· Këshillimit të karrierës dhe punësimit
Ky panair shërbeu si një instrument promovues i bashkëpunimit ndërmjet sektorit privat, shkollave dhe universiteteve mbështetur në kërkesë/ofertë, për edukimin, kualifikimin dhe punësimin e të rinjve.
Panairi do të vijojë të zhvillohet edhe në datat 25 – 26 prill 2023 në Pallatin e Kongreseve.
