Pranë kompanisë “AMA Caffe”, patëm mundësinë të ndiqnim nga afër të gjithë ciklin e përpunimit të kafesë. Procesi filloi me seleksionimin e kokrrave të gjelbra, ku një vëmendje e veçantë i kushtohej përzierjes së dy varieteteve kryesore, Arabika dhe Robusta,kjo e fundit më e preferuar nga ne shqiptarët . Përcaktimi i raportit të saktë ndërmjet tyre ishte thelbësor për të krijuar profilet unike të shijes dhe për të arritur cilësinë e kërkuar në treg. Në fazën e pjekjes, vëzhguam se si temperaturat e larta nxjerrin në pah aromat dhe shijet karakteristike të secilës kokërr Në fund vëzhguam linjat moderne të paketimit, të cilat garantojnë ruajtjen e freskisë dhe aromës për një kohë të gjatë. Kjo përvojë na ndihmoi me njohuri të vlefshme shkencën e përzierjes së kafesë.