Në kuadër të aktiviteteve akademike dhe profesionale të Fakultetit të Inxhinierisë Matematike dhe Inxhinierisë Fizike (FIMIF), u zhvillua një takim informues me Z. Sulejman Vezi, përfaqësues i Bankës së Shqipërisë.

Gjatë këtij takimi, Z. Vezi, në cilësinë e Përgjegjësit të Zyrës së Administrimit të Sistemeve të Informacionit, prezantoi një analizë të detajuar mbi funksionimin e Regjistrit të Kredive, duke trajtuar aspektet teknike dhe organizative të administrimit të sistemeve komplekse të informacionit në nivel kombëtar.Takimi u fokusua në sfidat reale që hasen në menaxhimin e sistemeve të informacionit në një institucion financiar të nivelit më të lartë, si dhe në zgjidhjet teknologjike që aplikohen për garantimin e sigurisë, saktësisë dhe qëndrueshmërisë së të dhënave.

Ky aktivitet përbëri një mundësi të rëndësishme për studentët e FIMIF për të thelluar njohuritë e tyre, duke lidhur konceptet teorike të marra gjatë studimeve me praktikat konkrete profesionale të aplikuara në Bankën e Shqipërisë.

FIMIF shpreh mirënjohjen për Z. Sulejman Vezi dhe Bankën e Shqipërisë për bashkëpunimin dhe kontributin e vlefshëm në formimin akademik dhe profesional të studentëve.